Psa 5 | Vulgate_HebPs | STEP | victori pro hereditatibus canticum David

Psalms 5

1 victori pro hereditatibus canticum David 2 verba mea audi Domine intellege murmur meum 3 rex meus et Deus meus 4 quia te deprecor Domine mane audies vocem meam 5 mane praeparabor ad te et contemplabor quoniam non es deus volens iniquitatem tu 6 nec habitabit iuxta te malignus non stabunt iniqui in conspectu oculorum tuorum 7 odisti omnes operantes iniquitatem perdes loquentes mendacium virum sanguinum et dolosum abominabitur Dominus 8 ego autem in multitudine misericordiae tuae introibo in domum tuam adorabo in templo sancto tuo in timore tuo 9 Domine deduc me in iustitia tua propter insidiatores meos dirige ante faciem meam viam tuam 10 non est enim in ore eorum rectum interiora eorum insidiae 11 sepulchrum patens guttur eorum linguam suam levificant condemna eos Deus decidant a consiliis suis iuxta multitudinem scelerum eorum expelle eos quoniam provocaverunt te 12 et laetentur omnes qui sperant in te in perpetuum laudabunt et proteges eos et laetabuntur in te qui diligunt nomen tuum [ (Psalms 5:13) quia tu benedices iusto Domine ut scuto placabilitatis coronabis eum ]